Гарачая лінія Камітэта дзяржкантролю Беларусі па пытаннях арганізацыі перавозак пасажыраў грамадскім транспартам будзе працаваць 7 і 8 снежня. На працягу двух дзён інфармацыя будзе прымацца на кароткі нумар 191 і ў чат-боце тэлеграм-канала ведамства. Грамадзяне могуць паведаміць аб парушэннях у рабоце перавозчыкаў, невыкананні графікаў руху і зрывах рэйсаў; аб адсутнасці чэкаў, талонаў і касавага абсталявання.
Таксама работнікі КДК гатовы выслухаць прапановы па паляпшэнні якасці працы перавозчыкаў. Кароткі нумар 191 будзе працаваць з 9 да 13 гадзін і з 14 да 17.
