Задушванне дробнымі прадметамі - адна з асноўных прычын трагедый, звязаных з дзецьмі

Манеты і батарэйкі - нумар адзін у спісе небяспек. Гэтыя даныя агучылі падчас сумеснай акцыі Міністэрства аховы здароўя і ЮНІСЕФ "Скарбонка здароўя".

Кірыл Марахоўскі, загадчык дыягнастычнага аддзела РНПЦ дзіцячай хірургіі: "Калі дзіця праглынула батарэйку, і гэта батарэйка зараджаная, то верагоднасць таго, што дзіця стане інвалідам, вельмі высокая. Гэта было здаровае дзіця, а праз дзве гадзіны - гэта дзіця, якое, верагодней за ўсё, будзе мець цалкам іншае жыццё".

Мадэльныя цэнтры бяспечнага асяроддзя для дзяцей

Убачыць сваімі вачамі, якім павінна быць бяспечнае асяроддзе для дзяцей дома, бацькі змогуць у спецыяльных мадэльных цэнтрах. Сёння ў краіне іх ужо 10, а да сярэдзіны 2020 года плануюць адкрыць яшчэ 7.