Новы год сустрэлі ў лагеры бежанцаў на беларуска-польскай мяжы. Тут па-ранейшаму знаходзяцца каля 500 чалавек, больш за сотню з якіх дзеці. Гэтым людзям няма куды вяртацца, на радзіме ў іх ідуць баявыя дзеянні. Як аказалася, Еўрапейскаму саюзу, куды яны накіроўваліся ў надзеі на лепшае жыццё, яны таксама не патрэбныя. Каб палепшыць іх знаходжанне ў лагеры і падзяліцца святочным настроем, напярэдадні ім уручылі падарункі Дзед Мароз і Снягурка.
Дапамагаюць дзецям справіцца са стрэсавай сітуацыяй і педагогі-псіхолагі. У лагеры бежанцаў працягвае працаваць мабільны адукацыйны цэнтр, у якім арганізавана не толькі вучоба, але і вольны час хлопчыкаў і дзяўчынак.
