80 гадоў пад мірным небам без жаху вайны, холаду і голаду. Напярэдадні значнай і кранальнай даты ў летапісе Вялікай Перамогі - поўнага вызвалення Ленінграда і яго жыхароў ад нямецка-фашыстскай блакады - сёння ў Мінску прайшла ўрачыстая сустрэча сведкаў тых гераічных і складаных дзён. За агульным сталом сабраліся 30 ветэранаў-блакаднікаў, для якіх лёс стаў неразрыўна звязаны з Мінскам. Тут, у беларускай сталіцы, яны стваралі сем'і, выхоўвалі дзяцей і дапамагалі аднаўляць пасляваенны горад-герой. У тым ліку гэтыя падзеі і выпрабаванні, з якімі яны сутыкнуліся яшчэ дзецьмі, успаміналі падчас душэўнай урачыстасці.
Да памятнай сустрэчы далучылася і маладое пакаленне - кадэты Сувораўскага ваеннага вучылішча. Акрамя аўтабіяграфічных гісторый, гучала жывая музыка ваенных часоў. 27 студзеня 1944-га Чырвоная армія поўнасцю вызваліла Ленінград ад блакады, у якой жыхары трывалі амаль 900 дзён і начэй. Гэты дзень асаблівым чынам ушаноўваюць у нашай краіне. Толькі ў Мінску жывуць больш за 80 ветэранаў-блакаднікаў.
