Інфармацыі аб беларусах сярод пацярпелых пры выбуху ў Ташкенце няма - МЗС Беларусі

Інфармацыі аб грамадзянах Беларусі сярод пацярпелых ад выбуху на адным са складоў у раёне аэрапорта Ташкента няма, піша БЕЛТА са спасылкай на прэс-службу МЗС.

"Пасольства Беларусі працягвае адсочваць сітуацыю, знаходзіцца на сувязі з кампетэнтнымі органамі Узбекістана", - адзначылі ў ведамстве.

Як паведамлялася, у Ташкенце ў ноч на 28 верасня з-за маланкі на адным з мытных складоў каля аэрапорта адбыліся выбух і пажар. Загінуў 15-гадовы падлетак, яшчэ 163 чалавекі пацярпелі. Усе пацярпелыя дастаўлены ў Рэспубліканскі навуковы цэнтр экстраннай медыцынскай дапамогі, дзе ім аказана неабходная дапамога.

Паводле папярэдняй інфармацыі, магчымай прычынай выбуху на складзе маглі стаць акумулятарныя батарэі для электрамабіляў, якія захоўваліся на ім.