З-за марознага надвор'я ў выхадныя беларусам, якія сабраліся за мяжу на машыне, варта прадбачліва паставіцца да паездкі. Дзяржаўны мытны камітэт прагназуе чэргі ў пунктах пропуску, у прыватнасці, на беларуска-літоўскім напрамку. Ужо напярэдадні перад пераходамі ўтварыліся караваны з фур. Як адзначаюць спецыялісты мытні, неабходныя працэдуры беларускі бок выконвае своечасова, затрымка ў руху на сумежным участку мяжы.
З-за маразоў, якія ўзмацняюцца, у выхадныя перад пунктамі пропуску будуць дзяжурыць і супрацоўнікі Горадзенскага ўпраўлення МНС. У дзяжурнай часці і на выездах будуць весці кругласутачны маніторынг сітуацыі. У выпадку неабходнасці ратавальнікі гатовыя аказаць любую дапамогу.
