Небяспека біялагічных пагроз сёння - галоўны выклік. Гэта заявіў прэм'ер-міністр Беларусі Раман Галоўчанка на першым пасяджэнні Савета па біябяспецы. Важна выбудоўваць сістэму маніторынгу і папярэджвання.
Як наладзіць работу на апярэджанне і стварыць комплекс засцярогі, абмяркоўвалі ўдзельнікі савета. Стан біялагічнай бяспекі ў Беларусі ў цэлым ацэньваецца як стабільны. Але гэта не павінна нікога супакойваць, бо магчымасць узнікнення такіх пагроз захоўваецца заўсёды. Тым больш трэба ўлічваць хуткасць распаўсюджвання розных вірусаў.
Раман Галоўчанка:
Актуальнасць гэтых пытанняў з кожным годам толькі ўзрастае. Пацвярджэннем з'яўляецца інтэнсіўнае распаўсюджванне ў свеце небяспечных інфекцыйных хвароб людзей і жывёл, антыбіётыкарэзістэнтнасць мікраарганізмаў, успышкі пераможаных раней такіх небяспечных захворванняў, як халера, чума, адзёр і гэтак далей. Сур'ёзныя пагрозы жывому свету нясе не заўсёды кантралюемая навуковая дзейнасць або так званая навуковая дзейнасць па вывучэнні патагенных субстанцый і мікраарганізмаў - узбуджальнікаў небяспечных хвароб. На ўсе гэтыя аспекты неабходна звяртаць пільную ўвагу і ствараць дзейсную сістэму маніторынгу і папярэджвання.
Як хутка распазнаць вірусы, знізіць іх негатыўнае ўздзеянне і лячыць? Ці лепш загадзя зрабіць прышчэпку? Гэтым пытанням на Савеце па біябяспецы надалі асаблівую ўвагу.
