Эфектыўная пляцоўка для перамоў. У Мінску прайшло пасяджэнне Савета міністраў замежных спраў СНД. У ім узялі ўдзел кіраўнікі і прадстаўнікі дыпламатычных ведамстваў Беларусі, Расіі, Азербайджана, Казахстана, Кыргызстана, Таджыкістана, Туркменістана, Узбекістана і Арменіі.
Акрамя падвядзення вынікаў дыпламатычнага супрацоўніцтва за 2023 год, кіраўнікі знешнепалітычных ведамстваў абмяняліся думкамі па актуальных пытаннях міжнароднага парадку дня. Міністр замежных спраў нашай краіны падкрэсліў: СНД складаецца з незалежных дзяржаў.
Калектыўны Захад падштурхоўвае нас да больш цеснай кансалідацыі ў СНД. Пра гэта заявіў генеральны сакратар арганізацыі па выніках пасяджэння СМЗС Садружнасці ў Мінску. Сяргей Лебедзеў падкрэсліў, што жыццё само прадыктавала нам неабходнасць цеснай каардынацыі. Шматвяковыя сувязі нашых краін і народаў дагэтуль захоўваюцца, яны дапамагаюць нам ажыццяўляць наша ўзаемадзеянне.
Кіраўнікі МЗС краін СНД адобрылі заснаванне адзінага юбілейнага медаля "80 гадоў Перамогі ў Вялікай Айчыннай вайне 1941-1945 гадоў". Прынята таксама сумесная заява аб гарантаванні бяспечных умоў прафесійнай дзейнасці журналістаў і недапушчэння ўшчамлення іх правоў. Наступнае пасяджэнне СМЗС СНД пройдзе 7 кастрычніка ў Маскве.
