Генеральная пракуратура Беларусі ініцыявала ўзмацненне патрабаванняў да бацькоў. Злоўжыванне алкаголем і безадказнасць з боку дарослых усе часцей прыводзяць да трагедый. За мінулы год у Беларусі загінулі 94 дзіцяці з неўладкаваных сем'яў, 9 з іх - на пажарах. Падрабязнасці ў Алёны Ляшкевіч.
Паводле звестак пракуратуры, летась колькасць дзяцей, якія знаходзяцца ў сацыяльна небяспечным становішчы, павялічылася на 15 %. Загінулі па віне нецвярозых бацькоў 94 непаўналетнія, 9 з іх - на пажарах, якія ўзніклі з-за курэння дарослых.
Менавіта па гэтай прычыне Генеральная пракуратура Беларусі ініцыявала ўзмацненне патрабаванняў да бацькоў.
Паставіць у сацыяльна небяспечнае становішча могуць зараз, калі дзіця ўчыніла адміністрацыйнае парушэнне, за невыкананне бацькамі рэкамендацый урача, калі дарослыя не працуюць больш чым тры месяцы.
У Беларусі інстытуту сям'і адведзеная найважнейшая роля. Але калі стаіць пытанне: захаваць жыццё дзяцей або пакінуць іх у сям'і, што ўяўляе пагрозу для іх бяспекі, выбар падае на першае. Кожнаму дзіцяці перш за ўсё патрэбная атмасфера міру і спакою, каб маленькі чалавек мог бяспечна вучыцца, развівацца, гуляць. А дом, дзе дзіця можа загінуць, гэта страшна. І ў першую чаргу гэта павінны разумець сацработнікі, якія так часта гавораць, што для іх не бывае чужых дзяцей.
