Фільм пра партызана нумар адзін Бацьку Міная. Старт здымак запланаваны на жнівень 2024 года. Ініцыятарам стварэння новай ваеннай стужкі стаў народны артыст Расіі Ігар Вугольнікаў. Ён жа заснавальнік кінастудыі "Ваенфільм" і прадзюсар фільма "Брэсцкая крэпасць".
Расійскі бок падасць ваенную тэхніку, аператараў і мастакоў. Дзве траціны здымачнай групы папоўняць беларускія спецыялісты. За нашымі і большасць роляў. Здымкі пройдуць не толькі ў Беларусі, але і на пляцоўцы кінапарка "Маскіно", і ў студыях Ваенфільма.
Гісторыя партызанскага руху Беларусі будзе паказана праз драму Міная Шмырова, народнага мсціўца і бацькі забітых немцамі дзяцей. Партызана нумар адзін не стала роўна 60 гадоў таму.