Выбары дэлегатаў на УНС працягваюцца. 5 красавіка на пазачарговым з'ездзе Федэрацыя прафсаюзаў абрала 80 чалавек. Яны ўвойдуць у склад сходу, стануць голасам народа і будуць прадстаўляць інтарэсы розных слаёў насельніцтва.
Вылучэнцы - лідары прафсаюзных арганізацый усіх узроўняў, актывісты, заслужаныя работнікі працоўных калектываў ад аховы здароўя і адукацыі да прамысловасці і сельскай гаспадаркі. Выбары дэлегатаў УНС прадоўжацца да 10 красавіка. Не пазней за 18 чысла вынікі выбарнага працэсу падвядзе ЦВК.
Акрамя гэтага, на пазачарговым з'ездзе ФПБ абраны кіраўнік Юрый Сянько. Новы старшыня аддаў дзяржслужбе 33 гады. Шмат гадоў служыў у мытных органах. Прайшоў прафесійны шлях ад інспектара мытні да старшыні камітэта. У 2020 годзе быў прызначаны паслом Беларусі ў КНР.
