Працэс аднаўлення першага касманаўта суверэннай Беларусі пасля касмічнага палёту, які завяршыўся 6 красавіка, ідзе актыўна. Марына Васілеўская і Герой Расіі - выхадзец Беларусі - Алег Навіцкі зараз знаходзяцца ў прафілакторыі Цэнтра падрыхтоўкі касманаўтаў дзяржкарпарацыі Раскосмас у падмаскоўным Зорным гарадку. І вось што яны расказалі пра свой стан.
Алег Навіцкі, лётчык-касманаўт: Добры дзень, дарагія сябры, рады вас вітаць з прафілакторыя Зорнага гарадка, дзе мы праходзім пасляпалётную рэабілітацыю. Як бачыце, усё выдатна.
Марына Васілеўская, касманаўтка: Стан здароўя камфортны, праходзім рэабілітацыю, усё ідзе згодна з планам.
Наша касманаўт прабыла на МКС 12 сутак. За гэты час яна правяла некалькі навуковых эксперыментаў у галіне мікрабіялогіі, уплыву бактэрый на арганізм чалавека ў космасе, а таксама выкарыстання прабіётыкаў у прадуктах харчавання. Як паведамілі ў НАН Беларусі, усе даследаванні прайшлі паспяхова.