Для ўсіх ахвотнікаў наведаць Хатынь 22 сакавіка і ўшанаваць памяць загінуўшых у дзень 80-й гадавіны трагедыі да мемарыяльнага комплексу будзе арганізаваны дадатковы маршрут з Мінска.
Аўтобусы будуць адпраўляцца ад станцыі метро "Усход". Першы рэйс - у 12:40, апошні - у 17:30. З падрабязным раскладам і схемай руху можна азнаёміцца на галоўнай старонцы сайта "Мінскаблпасажыртранс".
Кошт праезду - 6 рублёў. Цана будзе зніжацца па маршруце ў адпаведнасці з адлегласцю. Падрабязней - на сайце арганізацыі.
