Год народнага адзінства стане і асноўнай тэмай Дня беларускай пісьменнасці. Маштабнае свята сёлета прымае Капыль. Ужо 1 верасня туды з Мінска адправіцца навукова-асветніцкая экспедыцыя "Дарога да святынь" з Жыватворным агнём ад Гроба Гасподня. Асноўныя мерапрыемствы разгорнуцца ў горадзе ў выхадныя. Сярод знакавых - фестываль кнігі і прэсы, цырымонія ўзнагароджання пераможцаў Нацыянальнай літаратурнай прэміі, адкрыццё "Алеі пісьменнікаў" і помніка Цішку Гартнаму.
Больш за сто беларускіх майстроў слова прымуць удзел у святкаванні Дня пісьменнасці. Прымяркуюць да даты і запуск першага беларускага дадатку аўдыёкніжак. У віртуальнай бібліятэцы - нацыянальная класіка.
