Дзень працы традыцыйна прыносіць беларусам і шмат навацый.
У краіне павысілі бюджэт пражытачнага мінімуму ў сярэднім на душу насельніцтва. Яго новае значэнне - 418 рублёў 73 капейкі. Гэта на 3 %, або 12 рублёў, вышэй за нарматыў, які дзейнічаў да гэтага.
Услед за БПМ аўтаматычна пераглядаюцца розныя надбаўкі і павышэнні, а таксама асобныя сацыяльныя выплаты. Напрыклад, узроставыя надбаўкі да пенсій. Тым, каму ад 75 да 79 гадоў, штомесяц даплацяць 78,5 рубля. А для групы 80+ памер надбаўкі складзе 157 рублёў. Таксама вырастуць дапамогі для сем'яў, якія выхоўваюць дзяцей.
А ў канцы месяца зменяцца ўмовы прызначэння сямейнага капіталу і яго датэрміновага выкарыстання. Зараз, каб шматдзетнай сям'і адкрылі дэпазітны рахунак у банку, неабходна пацвердзіць занятасць кіраўніка сям'і. Дадатковай умовай прызначэння або датэрміновага выкарыстання сямейнага капіталу стане і стварэнне для дзяцей належных умоў і спрыяльнага клімату ў доме.