Чэмпіёны свету па пажарна-выратавальным спорце вярнуліся ў Мінск. Раніцай у Нацыянальным аэрапорце прызямліўся борт з Казахстана. Наша зборная - абсалютныя пераможцы. У багажы не толькі спартыўны рыштунак, але і вялікая колькасць кубкаў і дыпломаў - кожны спаборніцкі дзень прыносіў беларусам узнагароды. Напрыклад, золата і серабро мужчын у "Пажарнай эстафеце 4х100 метраў", дзе мы папярэдні раз выйгравалі 13 гадоў назад.
Зборнай Беларусі не было роўных
Караганда прымала лепшыя каманды ратавальнікаў-спартсменаў з усяго свету. Пераможцы спаборніцтваў вызначаліся ў чатырох відах практыкаванняў. Мужчынская і жаночая зборныя Беларусі сталі безумоўнымі пераможцамі.
