Сёння ў Мінску праходзіць канферэнцыя, прысвечаная самым рэдкім захворванням у сучаснай медыцыне. Гэта тыя выпадкі, калі курс лячэння доўжыцца ўсё жыццё. Больш за 200 урачоў з усёй краіны распавядаюць пра неардынарны вопыт у іх практыцы. Асноўная тэма - неўралагічныя праявы спадчынных хваробаў. У Беларусі лячэннем такіх пацыентаў займаюцца 6 генетычных цэнтраў.
Таццяна Мігаль, намначальніка галоўнага ўпраўлення Міністэрства аховы здароўя Беларусі: "У нас у краіне створаная сістэма арганізацыі аказання меддапамогі пацыентам з рэдкімі генетычнымі захворваннямі. Нашы рэспубліканскія НПЦ гатовыя прыняць пацыентаў у выпадку неабходнасці аказання кансультатыўнай дапамогі і ў выпадку правядзення дыягностыкі і шпіталізацыі гэтых пацыентаў".
Ірына Навумчык, намдырэктара РНПЦ "Маці і дзіця": "Ведаў у людзей пра ўласную прыроду, пра медыцыну захворванняў становіцца больш, дыягнастычных магчымасцяў становіцца больш, і, адпаведна, паступова з'яўляюцца новыя метады лячэння".
Рэдкімі завуць тыя захворванні, ад якіх пакутуе адзін чалавек з дзвюх тысяч. Паводле статыстыкі, такія дыягназы - а ўсяго іх больш за сем тысяч - у кожнага дваццатага жыхара планеты.
