І тэмы працягваюць паступаць з усёй краіны. Часцей за ўсё гэта не проста пытанні агульнага характару, людзі расказваюць пра канкрэтную жыццёвую сітуацыю або праблему, недапрацоўкі на месцах. Спектр тэм самы шырокі: ад сацыяльнай абароненасці, стварэння рабочых месцаў, набыцця жылля і мер па росце дабрабыту насельніцтва да знешняй палітыкі, інтэграцыйнай тэматыкі, пагранічнай бяспекі і процідзеяння карупцыі. Выказваюцца і асабістыя просьбы да Кіраўніка дзяржавы дапамагчы ва ўрэгуляванні тых ці іншых праблем. Нагадаем, даслаць набалелае пытанне можна і сёння праз анлайн-сэрвіс і ў акаўнтах БелТА ў сацсетках.
Ірына Акуловіч, генеральны дырэктар БелТА: "Пытанні ёсць абсалютна з усіх рэгіёнаў краіны. Найбольш актыўная на гэты момант Гомельская вобласць. Ёсць пытанні з замежжа, ёсць пытанні са Злучаных Штатаў Амерыкі, пытанні на беларускай мове. Гэта гаворыць аб тым, што нашым людзям, якія зараз там знаходзяцца, цікава тое, што адбываецца ў краіне. Пытанні рознай тэматыкі. Перш за ўсё цікавіць тое, што бліжэй кожнаму. Гэта будаўніцтва, гэта зарплаты, гэта рабочыя месцы. Мы вельмі ўважліва ўсё аналізуем, безумоўна, раскладваем па тэматыцы. Ёсць пытанні, адрасаваныя асабіста Кіраўніку дзяржавы. І гэта нядзіўна, таму што Прэзідэнт заўсёды вельмі шчыры. Таму і пытанні да яго таксама ёсць".
Такім чынам, "Вялікая размова з Прэзідэнтам" пачнецца заўтра ў 10:30. Трансляцыю забяспечыць Белтэлерадыёкампанія. Убачыць яе ў прамым эфіры можна будзе на тэлеканалах "Беларусь 1" і "Беларусь 24", а таксама міждзяржаўнай тэлерадыёкампаніі "Мір". Аўдыятрансляцыю ў рэжыме рэальнага часу арганізуе Першы нацыянальны канал Беларускага радыё.
