Да 3 Ліпеня застаюцца лічаныя гадзіны. Дзень Незалежнасці сёлета краіна адзначыць з размахам. Таксама маштабна будзем асвятляць дзяржаўнае свята і мы. Ужо ў 8 раніцы Агенцтва тэленавін запусціць інфармацыйны канал "Дзень Незалежнасці". У прамым эфіры працуем да самага парада, і, вядома, пасля.
Вяшчаць будзем і з гэтай студыі, і з выязной, якая знаходзіцца прама ля стэлы "Мінск - горад-герой". Яе мантаж, дарэчы, завяршаецца гэтымі хвілінамі. Карэспандэнты АТН будуць уключацца з самых эксклюзіўных пунктаў.
Не забыліся мы і пра сацыяльныя сеткі. Мы хочам, каб вы адчулі ўсю атмасферу і каларыт галоўнага свята краіны нават ля экранаў сваіх тэлевізараў і смартфонаў.
Яўген Перлін зараз пакажа і раскажа, як Белтэлерадыёкампанія будзе асвятляць Парад да Дня Незалежнасці, колькі сіл і тэхнікі для гэтага спатрэбілася і дзе мы з ім пачнём святочны эфір ужо зусім хутка.
На гэты ўзгорак ужо заўтра раніцай будзе ўстаноўлена выязная студыя. Будзем працаваць мы з Юліяй Пярцовай. Карцінку ў прамым эфіры вы будзеце атрымліваць у прамым эфіры ад нашых журналістаў у прамых уключэннях з некалькіх пунктаў, адзін з якіх знаходзіцца на даху гасцініцы.
Гэтыя дзесяць гадзін прамога эфіру ў галоўнае дзяржаўнае свята Агенцтва тэленавін рыхтавала некалькі месяцаў. Самы рэйтынгавы час, заўтра раніцай, калі ўся краіна ў чаканні парада да Дня Незалежнасці, мы пачнём вялікі інфармацыйны канал.
Ілья Крэўчык, кіраўнік аддзела рэжысёраў Агенцтва тэленавін Белтэлерадыёкампаніі: "Разыначкай на канале стане выязная студыя. Апроч гэтага, зробім прамыя ўключэнні і з незвычайных пунктаў Мінска, каб акунуцца ў атмасферу свята, а таксама плануем зрабіць прамыя ўключэнні з абласных цэнтраў, каб распавесці, як праходзяць там мерапрыемствы".
Гасцямі выязной студыі стануць вядомыя персоны ў нашай краіне: спартсмены, музыканты і нават самі ўдзельнікі парада. Ваеннае шоу сёлета ўстановіць тэхнічны рэкорд. У трансляцыі будуць задзейнічаныя каля 50 камер.
Толькі ўздоўж праспекта ўстаноўлена больш як 20 тэлекамер. Яшчэ некалькі на ваеннай тэхніцы і яшчэ некалькі на самалётах. І ўсё гэта будзе трансліравацца ў прамым эфіры з дапамогай 3 ПТС.
А вось і тая самая камера, якая заўтра пакажа ўсяму свету выступленне беларускага лідара. Аляксандр Лукашэнка выступіць з традыцыйнай прамовай у гонар Дня Незалежнасці.
Нават гледачу на праспекце Машэрава немагчыма ўбачыць столькі сваімі вачамі. Каб трансляцыя ў эфіры прайшла гладка, здымачная група ў поўным складзе - разам з вайскоўцамі - таксама рэпеціравала парад, толькі за аб'ектывамі.
Адразу пасля парада эфір галоўнага канала краіны працягнецца з выязной студыі. Першыя ўражанні, эмоцыі гледачоў - кожны з гасцей ваеннага шоу можа апынуцца ў прайм-тайм на першай кнопцы.
У гледачоў "Беларусь 1" и "Беларусь 24" будзе опцыя секанд-скрын - другі экран. Пакуль будзе ісці інфармацыйны канал да пачатку, вы зможаце назіраць за прамымі трансляцыямі нашых журналістаў у афіцыйных акаўнтах Белтэлерадыёкампаніі!
Каб не прапусціць інтэрнэт-стрымы нашых калег, падпішыцеся зараз на старонкі Белтэлерадыёкампаніі ў Facebook і Instagram. І вы атрымаеце апавяшчэнні аб усіх эфірах. А заўтра мы запрашаем вас рабіць фатаграфіі на святкаванні Дня Незалежнасці і публікаваць іх у сацыяльных сетках, падпісваючы спецыяльнымі хэштэгамі! #ДеньНезависимости2017, #3июля, #ПарадLive. А фота па хэштэгу #мыБеларусь будуць паказаныя заўтра ў эфіры "Беларусь 1".
