Вядучая ўстанова адукацыі, якая дала сучаснай Беларусі больш за 40 тысяч выпускнікоў-прафесіяналаў: выдатных артыстаў і мастацтвазнаўцаў, навукоўцаў і менеджараў у гуманітарнай сферы. Беларускі дзяржаўны ўніверсітэт культуры і мастацтваў узнагароджаны спецыяльнай прэміяй Прэзідэнта Рэспублікі Беларусь дзеячам культуры і мастацтваў. Адну з найвышэйшых адзнак установа атрымала за "значны ўклад у патрыятычнае выхаванне моладзі і ўдзел ў грамадска-культурных праектах".
Сёння ва ўніверсітэце рыхтуюць новы мюзікл! На рахунку ВНУ гэта ўжо трэцяя пастаноўка ў падобным жанры. У рэпетыцыях задзейнічаны як беларускія, так і кітайскія студэнты, якія атрымліваюць адукацыю ў нашай творчай навучальнай установе.