Беларусь 90-х і Беларусь сёння - дзесяцігоддзі станаўлення суверэннасці краіны, якія вызначаюць падзеі, выпрабаванні і дасягненні ў дакументальнай хроніцы. Сёння ў кінатэатры "Цэнтральны" нацыянальная прэм'ера - карціна "Беларусь. Дакументальная гісторыя". Аўтары прапануюць падарожжа ў часе, у якое адправілася і Наталля Бардзілоўская.
Кіналетапіс апошніх двух дзесяцігоддзяў з жыцця краіны – сумесны праект Нацыянальнай кінастудыі “Беларусьфільм” і газеты “СБ. Беларусь сегодня”. Яе галоўны рэдактар падаў ідэю паглядзець на найноўшую гісторыю краіны праз хранікальныя кадры. Айчынныя дакументалісты на чале з Галінай Адамовіч увасобілі задумку.
Змясціць гісторыю незалежнай Беларусі ў 50-хвілінны фільм стваральнікам было няпроста. У кожнага з дзесяці кінапубліцыстаў - Гарулёва, Жданоўскага, Лук’янчыкава, Князева (амаль не ўся школа дакументальнага кіно) - кіламетры летапіснай плёнкі, на якой пазнавальныя для старэйшага пакалення і павучальныя для маладых кадры: як было тады і як ёсць сёння.
Яна была і застаецца лепшай узнагародай за выдатную вучобу - пуцёўка ў лагер “Зубраня”. Тады, 20 гадоў таму, юных беларусаў прымала пабудова савецкага тыпу, якая патрабавала рамонту, са сціплай гульнявой базай. Сёння тут усё ў навацыях, сучасны аздараўленчы комплекс, басейн, палац дзіцячай творчасці, інтэлектуальны цэнтр.
У фільме шмат знакавых устаноў і падзей, якія іх мянялі.
Хроніка з каментарыямі. Апавядальнік фільма - сама Галіна Адамовіч. І дакументалісты, аўтары гэтых здымак, з маналогамі ў кадры. Стужка “Беларусь. Дакументальная гісторыя” - пераможца Рэспубліканскага конкурсу кінапраектаў, які прайшоў гэтай вясной.
