Быць патрыётам - значыць любіць сваё: краіну, людзей, паважаць традыцыі, гісторыю і ўносіць пасільны ўклад у развіццё Беларусі. Гэта адзначыў сёння старшыня ніжняй палаты парламента Уладзімір Андрэйчанка. Спікер уручыў пашпарты юным удзельнікам Усебеларускай акцыі "Мы - грамадзяне Беларусі!", якая праходзіць напярэдадні Дня Канстытуцыі. Гэтай патрыятычнай ініцыятыве ўжо шмат гадоў, за гады яна набыла шырокую папулярнасць сярод моладзі і па праве лічыцца адной з найважнейшых традыцый нашай краіны.
Уручэнне пашпартоў малодшаму пакаленню беларусаў падкрэслівае іх пераход у новае, дарослае жыццё, дазваляе яшчэ больш усвядоміць, што зараз яны сталі паўнапраўнымі грамадзянамі сваёй краіны, адказнымі перад нашымі законамі.
