Анатоль Ярмоленка: Гэтае свята даўно ўжо ў сэрцы кожнага беларуса

"Беларусь памятае. Памятаем кожнага" - напярэдадні  Дня Незалежнасці і 75-годдзя вызвалення па ўсёй краіне ўскладаюць кветкі да манументаў, абеліскам і помнікам героям Вялікай Айчыннай. Напярэдадні да Вечнага агню на плошчы Перамогі ў Мінску ляглі гваздзікі і ружы ад прадстаўнікоў беларускай інтэлігенцыі, дзеячаў культуры і мастацтва. Сярод тых, хто прыйшоў аддаць даніну подзвігу продкаў, быў і народны артыст Беларусі Анатоль Ярмоленка, у рэпертуары якога нямала песень пра  вайну і Перамогу. 

Анатоль Ярмоленка,  народны артыст Беларусі: "Гэтае свята даўно ўжо ў сэрцы кожнага беларуса. Я сюды прыходзіў яшчэ, калі дзеці былі маленькімі. Прыходзіў сюды з дзецьмі маіх дзяцей. Са сваімі ўнукамі. Я тлумачыў. І вось як мы растлумачым, дык гэта і застанецца ў памяці нашых унукаў, а яны распавядуць сваім. І мы заўсёды будзем ганарыцца тым, што ў нас такая краіна".

У Мінску да акцыі "Беларусь памятае. Памятаем кожнага" далучыліся таксама творчыя калектывы Беларускай акадэміі музыкі і харэаграфічнай гімназіі-каледжа. Сёння яшчэ дзясяткі ўстаноў і навучальных устаноў сферы культуры краіны стануць удзельнікамі сімвалічнага праекта памяці.