У райцэнтры аб’яўлены конкурс па закладцы вішнёвых дрэў. Ягадная тэма ўвасоблена і ў метале. Сюжэт - Марыны Раманоўскай.
Бізнесмен Юрый Татарыновіч па просьбе нашай здымачнай групы асабіста праводзіць майстар-клас. Сваю першую кованую працу глубачанін зрабіў шмат гадоў назад. Вароты для дома адразу спадабаліся жыхарам райцэнтра. З'явіліся першыя заказчыкі. Зараз ажурныя альтанкі, ліхтары, кветачніцы, зробленыя ў Глыбокім, сустракаюцца на вуліцах шматлікіх краін.
Вытанчаныя матывы гарманічна ўплятаюцца ў архітэктуру і самога райцэнтра. Бізнесмен гаворыць: вырабы, падораныя роднаму гораду, адразу ж становяцца мясцовымі славутасцямі і нават пачынаюць выконваць жаданні. Турыстамі праверана: дацягнуцца да левай пяткі Мюнхаўзена - да казачнага шанцавання.
Сэрца з анёлам, вясельныя арэлі, лаўка прымірэння. Усе гэтыя арт-аб'екты размяшчаюцца на беразе возера ў Парку маладых. Ёсць тут і свая гіганцкая падкова: глубачане не сумняваюцца: на шчасце.
Ажурная кампазіцыя "Дружба народаў" на галоўнай плошчы райцэнтра - адна з апошніх сур'ёзных прац майстроў.
Яе ўрачыста адкрылі падчас вішнёвага фестывалю. Смачнае свята - брэнд райцэнтра. Улетку ягадны фестываль аб'ядноўвае вялізную колькасць гасцей з розных краін.
Ягадная тэматыка прасочваецца практычна ва ўсіх вырабах, якімі ўпрыгожаны горад. Да прыкладу, у распрацоўцы эскізаў вулічных ліхтароў прымалі ўдзел не прафесійныя дызайнеры, а звычайныя жыхары райцэнтра. Самыя цікавыя ідэі гараджан майстры ўвасобілі ў метале. Атрымалася цэлая серыя арыгінальных ліхтароў.
Зрабіць свой горад яшчэ больш прывабным жыхары Глыбокага змогуць ужо ў найбліжэйшы час. У горадзе плануюць правесці конкурс па пасадцы вішнёвых дрэў. Ідэяй аб сваім садзе побач з домам ужо натхніліся шматлікія.
