Ён стаяў ля вытокаў суверэнітэту і незалежнасці Беларусі, быў адным з першых епіскапаў праваслаўнай епархіі на тэрыторыі Рэчы Паспалітай. А імя яго прылічана да ліку святых. 300 гадоў са дня нараджэння палітыка, дыпламата, педагога і пісьменніка Георгія Каніскага адзначылі ў Магілёве Вялікім хрэсным ходам ад Спаса-Праабражэнскага сабора да дома, дзе жыў бачны дзеяч. Пасля сябе Георгій Каніскі пакінуў нямала навуковых і філасофскіх прац. Ён быў першым, хто правёў перапіс усіх цэркваў і займаўся ўзвядзеннем храмаў. Упершыню ў Беларусі, дзякуючы Георгію і пабудаванай пад яго патранажам астранамічнай вежы, праводзіліся назіранні за небам.
Павел, Мітрапаліт Мінскі і Заслаўскі, Патрыяршы Экзарх усяе Беларусі:
"Свяціцель Георгій для нас з'яўляецца такім непахісным слупом стаяння за веру праваслаўную, сімвалам прымірэння людзей. Хочацца пажадаць, каб вопыт, які перажыў свяціцель, яго працы паслужылі славе Айчыны, славе царкоўнай".
Ушанаваць памяць свяціцеля да дома Георгія Каніскага ў дзень яго нараджэння прыйшлі тысячы гараджан.
