23 сакавіка 2024 года - дзень, які ўвойдзе ў гісторыю. Першая жанчына суверэннай Беларусі адправілася ў космас.
Марыну Васілеўскую ў асноўны экіпаж выбралі з некалькіх тысяч прэтэндэнтак. Разам з ёй з навуковай місіяй на Міжнародную касмічную станцыю адправіліся камандзір і ўраджэнец нашай краіны Алег Навіцкі і астранаўт NASA Трэйсі Дайсан. Дарэчы, пазыўны экіпажа - "Казбек". За прамой трансляцыяй касмічнай падзеі сачылі дзясяткі тысяч чалавек. Зваротны адлік вялі і ў эфіры тэлеканала "Беларусь 1".
Запуск карабля "Саюз МС-25" прайшоў паспяхова, і лятальны апарат быў выведзены на арбіту. Дабірацца да МКС ён будзе па двухсутачнай схеме збліжэння, Марына Васілеўская і Алег Навіцкі правядуць на станцыі 12 сутак.
Сёння Беларусь яшчэ раз пацвердзіла свой статус касмічнай дзяржавы!