22 сакавіка Беларусь успамінае адну з самых страшных старонак у сваёй гісторыі: 81 год з дня Хатынскай трагедыі.
Прадстаўнікі ўлады, грамадскіх аб'яднанняў, проста неабыякавыя беларусы на працягу ўсяго дня ўскладалі кветкі да мемарыяла ў Лагойскім раёне. Успаміналі злачынства, якое ўчынілі тут гітлераўцы, а таксама кожнага загінуўшага мірнага жыхара. 149 чалавек былі расстраляныя або згарэлі жыўцом. 75 з іх - непаўналетнія. Выжыць атрымалася толькі некалькім дзецям. І мы зноў і зноў гаворым пра трагедыі ўжо не столькі, каб аднавіць храналогію, хутчэй, каб ніколі не дапусціць такога. Вікторыя Шаркова прадоўжыць (падрабязней у відэа).
