Прымнажаць фонды бібліятэк унікальнымі выданнямі, у тым ліку набываючы кнігі культурнай і гістарычнай спадчыны, рукапісы і рэдкія экзэмпляры. Дзяржава гатова і далей аказваць усебаковую падтрымку развіццю бібліятэчнай справы. Пра гэта сёння заявіў прэм'ер Раман Галоўчанка, уручаючы граматы і падзякі тым, хто кожны дзень дапамагае нам знайсці патрэбную кнігу і раіць, што прачытаць. У Беларусі сёння Дзень бібліятэк. Іх у нас больш за 7 тысяч. І ў кожнага чацвёртага жыхара краіны ёсць чытацкі білет.
Дзяржава будзе аказваць усебаковую падтрымку развіццю бібліятэчнай справы
У Беларусі зараз 94 % усіх бібліятэк камп'ютарызаваны, 87 падключаны да інтэрнэту. Але жывое слова - гэта аснова. Сёння бібліятэкі становяцца і культурнымі шматпрофільнымі цэнтрамі, дзе можна атрымаць вялізны масіў інфармацыі ў друкаваным або электронным выглядзе.
За мінулы год было выдадзена 48 мільёнаў экзэмпляраў выданняў чытачам. Гэта гаворыць аб запатрабаванасці бібліятэк. Прэм'еру паказалі, як працуе сістэма пошуку патрэбнай кнігі, аўдыявізуальная зала, музей кнігі, дзе сабраныя першадрукі XV-XVI стагоддзяў, выданні Францыска Скарыны. А таксама фонды, якія беражліва захоўваюць рукапісы і рэдкія экзэмпляры, аддзел рэстаўрацыі і кансервацыі бібліятэчных дакументаў.
