Кіраўнік дзяржавы прызначыў на пасаду старшыні аблвыканкама Юрыя Шулейку. Сёння гэта рашэнне аднагалосна падтрымалі дэпутаты рэгіёна. Юрый Шулейка нарадзіўся ў Дзятлаўскім раёне Гродзенскай вобласці. Доўгі час працаваў на кіруючых пасадах свайго рэгіёна. А апошнія тры гады быў памочнікам прэзідэнта па Гомельскай вобласці.
Развіццё Брэсцкага рэгіёна
Брэсцкі рэгіён - адзін з рэгіёнаў, які дынамічна развіваецца. Ён займае першае месца па экспарце сельскагаспадарчых тавараў і прадуктаў харчавання. У найбліжэйшыя пяць гадоў стаіць задача - палепшыць эфектыўнасць вытворчасці, мадэрнізаваць аграпрамысловы комплекс, а таксама павысіць лагістычны патэнцыял. Рэалізаваць гэтыя і іншыя мэты зараз павінен новы кіраўнік вобласці.
На сесіі абласнога Савета дэпутатаў таксама падзякавалі папярэдняму губернатару Анатолю Лісу. На пасадзе старшыні аблвыканкама ён прапрацаваў шэсць гадоў. За асабісты ўклад у сацыяльна-эканамічнае развіццё краіны яму ўручылі Ганаровую грамату ад Адміністрацыі Прэзідэнта.
