Паводле статыстыкі, кожны год гэтай паслугай карыстаюцца каля 40 тысяч беларусаў. Як атрымаць чароўнае пасланне, ведае Алеся Карпук.
Ідэя адпраўляць віншаванні ад Дзеда Мароза праз паштальёна ўзнікла яшчэ ў 90-х. Вельмі шмат лістоў дзеці дасылалі гэтаму казачнаму персанажу. Работнікі пошты вырашылі - Дзед Мароз павінен мець магчымасць адказваць кожнаму. Але, як высветлілася, да гэтага моманту яшчэ не ўсе беларусы ведаюць пра чароўную паслугу.
У ролі Дзеда Мароза, які піша лісты і высылае падарункі, зразумела, часцей за ўсё бацькі, старэйшыя браты ці сёстры, бабулі. Віншаванні знаходзяць адрасатаў з 25 снежня да 7 студзеня новага года. І калі раней віншавальны пакет быў стандартным, то сёлета можна разлічваць на варыянты.
Акрамя маляўнічага ліста з добрымі пажаданнямі, малыш можа атрымаць ад казачнага Дзеда цукеркі, набор навагодніх упрыгажэнняў ці плюшавы сімвал будучага года. Дарэчы, такім чынам павіншаваць з самым любімым зімовым святам можна нават дзяцей, якія жывуць за межамі нашай краіны.
Аформіць заяўку на віншаванне і гасцінцы ад Дзеда Мароза можна ў любым паштовым аддзяленні Беларусі да 20 снежня. Заказаць паслугу будзе па кішэні кожнаму. Бо самы бюджэтны варыянт падарунка каштуе ўсяго 25 тысяч рублёў.