Разам з супрацоўнікамі праваахоўных органаў граматы за актыўны ўдзел у забеспячэнні правапарадку і прафілактыцы правапарушэнняў атрымалі і звычайныя мінчане. Гэта прадстаўнікі грамадскіх пунктаў аховы правапарадку, добраахвотных народных дружын прадпрыемстваў і арганізацый.
Да Дня горада таксама прымеркавана і цырымонія прысваення звання Мінчанін года. Жыхары сталіцы з розных галін дзейнасці будуць узнагароджаныя ў Тэатры оперы і балета заўтра ў 17 гадзін.
