У сталіцы шукаюць злачынца, які абрабаваў сярод белага дня аптэку па вуліцы Жыновіча на паўтара мільёна рублёў. Апрануты не па надвор'і хлопец з шалікам на твары трапіў у камеру відэаназірання. Як гавораць у міліцыі, ён доўга круціўся каля аптэкі, дачакаўся, калі памяшканне стане бязлюдным, і толькі тады звярнуўся да фармацэўта. Пакуль яна пайшла па заказ, хлопец кінуўся да касы і выхапіў грошы. 70-гадовая фармацэўт паспрабавала адабраць выручку і паваліла злодзея на падлогу. Але зламыснік змог вырвацца і ўцячы. Тых, хто ведае падазронага, праваахоўнікі просяць патэлефанаваць па нумарах (044) 795-93-37, (017) 213-04-76 ці 102. Канфідэнцыяльнасць гарантаваная.
Сярод белага дня абрабаваная аптэка
5 июня 2013
