Сонечныя батарэі на даху школы

14 Лістапада 2016

Першая навучальная ўстанова, дзе гарачую ваду і цяпло падае экалагічнае абсталяванне, з'явілася ў Дзяржынскім раёне. Гэта дазволіць сэканоміць і ўдвая скараціць выкарыстанне энергіі. Да таго ж у школах Мінскай вобласці рэгулярна будуць чытаць лекцыі па экалогіі. Зараз такі праект рэалізуюць у двух дзіцячых садках - выхаванцаў вучаць з дзяцінства берагчы прыроду. Пра першыя вынікі - наступны рэпартаж.

Расказвае Юлія Грызунт.

Яшчэ год таму тут працякаў дах і не заўсёды была гарачая вада. Але зараз з'явіліся новыя печы і вялікія жалезныя бочкі - утылізатары цеплыні – яны дазволяць скараціць энергаспажыванне ў два разы.

Мадэрнізацыя школы пачалася яшчэ ў сакавіку. Акрамя новага абсталявання, энергаэфектыўнасць тут увайшла ў навучальны працэс. Нараўне з матэматыкай і гісторыяй школьнікі вывучаюць экалогію. Многія вучні ўжо і самі праводзяць лекцыі пра абнаўляльныя крыніцы энергіі.

Інавацыі не толькі ў навучальных класах. За лета тут цалкам змянілася кухня. Індукцыйныя пліты дазваляюць у два разы хутчэй гатаваць ежу, пры гэтым затрачваюць яны на 30% менш энергіі за старыя духоўкі. Тут жа печ, у якой можна прыгатаваць 600 розных страў.

Гэтая школа стала трэцім аб'ектам экалагічнага праекта. Энергаэфектыўнае абсталяванне ўжо можна ўбачыць у двух дзіцячых садках. А зусім хутка энергаёмістая тэхніка з'явіцца ў адным з беларускіх каледжаў.

Арганізатарамі незвычайнага праекта сталі прадстаўнікі ПРААН і Еўрапейскага саюза. Яны не адмаўляюць, што аднойчы энергаэфектыўнымі стануць усе школы ў нашай краіне.