Найперш пачнецца рэалізацыя сертыфікатаў на абанементы ўсіх турніраў сусветнага першынства. Продаж білетаў на гульні канкрэтнай каманды або асобны хакейны дзень пачнецца 16 кастрычніка. Квіток на адзінкавы матч можна будзе набыць у снежні. Кошт білета на лядовы паядынак складзе ад 6 да 400 еўра. Падчас хакейнага форуму ўезд і выезд з тэрыторыі Беларусі для уладальнікаў квіткоў будзе бязвізавым: дастаткова будзе пашпарта і білета на матч. Акрамя таго, прадугледжаны так званы праязны для замежных балельшчыкаў: наяўнасць білета гарантуе права бясплатна карыстацца ўсімі відамі грамадскага транспарту ў Мінску.