9-павярховая гасцініца размясцілася на вуліцы Прытыцкага. Ужо практычна ўсе 127 нумароў забраніраваны на перыяд чэмпіянату свету па хакеі. Гатоўнасць сталіцы да прыёму гасцеў абмяркоўвалі і на нарадзе ў Мінгарвыканкаме.
Ці хопіць месца ўсім турыстам, лічыў Якаў Бута.
Ці хопіць месца ўсім турыстам, лічыў Якаў Бута.
Сімвалічны ключ, чырвоная стужка. Такія адкрыцці ў Мінску ў найбліжэйшы месяц будуць ледзь не кожныя некалькі дзён. Да чэмпіянату свету першых гасцей прымуць 11 гасцініц.
У новай гасцініцы - 127 нумароў. Асноўная аўдыторыя - бізнесмены. Але цэны больш чым дэмакратычныя. Нумары ад 69 еўра (сняданак уключаны). Таму на перыяд чэмпіянату свету па хакеі практычна ўсе нумары забраніраваны.
У гатэлі робяць стаўку на высокія тэхналогіі і хай-тэк-дызайн. Ёсць спецыяльныя нумары для бізнесвумен з добрай касметыкай і вялікім гардэробам. Ёсць нумар для людзей з абмежаванымі магчымасцямі.
Усяго падчас чэмпіянату свету па хакеі ў Мінску будуць працаваць 43 гасцініцы агульнай умяшчальнасцю амаль 10 тысяч месцаў.
