Праекціроўшчыкі змянілі навагоднюю ілюмінацыю сталіцы. Электрамантажныя работы вядуцца актыўна. У святочным афармленні будуць выкарыстоўвацца энергазберагальныя тэхналогіі. Поўную карціну начнога горада ўжо ўбачылі нашы карэспандэнты.
Расказвае Дзмітрый Цітоў.
Сімвалічна, што мантажныя работы пачаліся з першым снегам. Але задоўга да гэтага праекціроўшчыкі начамі працавалі над дызайнам новых гірлянд, якія будуць упрыгожваць нашу сталіцу ў святочныя дні.
Мэр Мінска прымаў актыўны ўдзел толькі ў стварэнні навагодняга асвятлення каля Дома культуры чыгуначнікаў. Але гэты канцэпт праекціроўшчыкі ўжо лічаць адным з самых смелых ў сталіцы. Ілюмінацыю, якую мы прывыклі бачыць на цэнтральных праспектах, заменяць. Старую размяркуюць па ўсім горадзе і нават там, дзе яе ніколі не было.
На асвятленне і ілюмінацыю горада выдаткоўваецца ўсяго 2% ад агульнага аб'ёму спажывання электраэнергіі. Сёлета ў Мінску будзе ўстаноўлена каля 140 тысяч асвятляльных адзінак. Электраманцёр Вадзім ужо шосты год ўпрыгожвае сталіцу і прыемна здзіўлены новым дызайнам дэкарацый.
Зрэшты, праекціроўшчыкі просяць грамадзян не здзіўляцца, калі пасля новага года з'явіцца яшчэ больш вясёлкавай феерыі на вуліцах сталіцы. Новыя агні Мінска распрацоўваліся спецыяльна да чэмпіянату свету па хакеі.
Святочныя агні ўжо запаліліся ўздоўж Лагойскага тракта, праспекта Пераможцаў і вуліцы Багдановіча. У раёне Палаца спорту ўстанаўліваюцца новыя светлавыя канструкцыі. Наперадзе яшчэ вялікі аб'ём работ. Канчатковы вынік мінчане змогуць убачыць у сярэдзіне снежня.
