Сталічныя архітэктары робяць стаўку на землі, якія неэфектыўна выкарыстоўваюцца ў межах МКАД. Напрыклад, зараз у горадзе ёсць 300 гектараў свабоднай зямлі ў раёне аэрапорта Мінск-1. Тут павінен з'явіцца новы дзелавы цэнтр сталіцы - Мінск-Сіці. Некалькі замежных інвестараў ужо зацікавіліся перспектыўнай пляцоўкай.
Акрамя таго, архітэктары Мінска зараз працуюць над некалькімі задачамі: памяншэннем колькасці транзітнага транспарту праз цэнтр сталіцы, захаваннем водна-зялёных зон і пераносам прамысловых прадпрыемстваў за межы МКАД.
