Зоркі сусветнага балета - на сцэне Вялікага тэатра Беларусі

Міжнародны праект ужо пабываў з гала-паказам у Віцебску. Сёння ў ім выступаюць салісты такіх тэатраў, як Нью-Ёрк Сіці Балет, Лонданскі каралеўскі балет, Англійскі Нацыянальны тэатр, пералічваць можна яшчэ доўга, але лепш адзін раз убачыць.

Харэаграфія ад класікі да мадэрна - у рэпартажы Ларысы Гулякевіч.

Вялікі апетыт да прафесійных танцаў разгуляўся ў Беларусі. Наведваць прэм'еры балетных спектакляў, асабліва, калі гэта Зоркі сусветнага балета, стала прэстыжнай і прыкметай добрага тону. Розныя стылі і кірункі - ад класікі да сучаснага балета - у праекце, дзе ўдзельнічае больш за 30 нацыянальнасцяў.
Такія выступленні рэдкасць у краінах Усходняй Еўропы. Для таго, каб убачыць сусветных зорак з такіх тэатраў, як Нью-Ёрк Сіці Балет, Лонданскі каралеўскі балет, Англійскі Нацыянальны тэатр, Нацыянальны балет Кубы, Партугаліі, Мадрыда, Баварыі, трэба было б пабываць у гэтых краінах. Тобіас Эхінгер - мастацкі стваральнік праекта збірае артыстаў балета з усяго свету і робіць грандыёзныя балетныя гала ў Ганконгу, Нью-Ёрку, Германіі, ды і па ўсёй Еўропе. Зараз і ў Беларусі.

Тобіас Эхінгер, мастацкі кіраўнік праекта Зоркі сусветнага балета: Гэта як маленькі фестываль, дзе існуюць ўсе кірункі і балетныя школы свету. Тут прасочваецца развіццё балета ад класікі Пеціпа, Баланчына да Фарсайта, дзе ўсё па-іншаму. Сучасны авангардны балет, новае пакаленне як бы вырастае з папярэдніх. У гэтым і складаецца канцэпцыя. Наколькі ўсё розна і ў той жа час адзіна.

Чым жа так адрозніваюцца гэтыя зоркі ад нашых, у чым іх перавага? Яшчэ на рэпетыцыі, дзе навучэнцы Мінскага харэаграфічнага каледжа сачылі за кожным рухам куміраў, апладысменты пасля ўсіх складаных па, па-дэ-дэ, батман тандзю. Толькі выконвалася ўсё гэта на сцэне з такой лёгкасцю і артыстызмам - менавіта ў гэтым і складаецца высокі прафесіяналізм!
Адкрывалі гала-балет маладажоны Нацыянальнага балета Кубы Венус Вілья і Раланда Сарабія найбольш складанымі класічнымі партыямі з спектакляў Дон Кіхот, Карсар і Лебядзінае возера. Амерыканец Наа Гельбер і Наталля Домрачава з Пермі - прадстаўнікі сучаснага балета Уільяма Фарсайта, дарэчы, Ной - правая рука і харэограф у трупе. Вывучыў рускую мову, калі працаваў у Марыінскім і Вялікім тэатры Расіі. 
Акрамя нумароў у стылі мадэрн і авангард, яшчэ адзін сюрпрыз - танцоўшчык стагоддзя Уладзімір Малахаў, артыст, які больш за ўсіх ангажыруецца лепшымі балетнымі кампаніямі свету.
Школа англійскага, французскага, амерыканскага балета, класіка, мадэрн і авангард - усе гэтыя кірункі і параўноўваць немагчыма. Аднак база - балет класічны, без якога няма развіцця новым формам.