Часопіс "Полымя" адзначае векавы юбілей

Векавы юбілей адзначае часопіс "Полымя". Ля вытокаў яго стварэння стаялі такія пісьменнікі, як Якуб Колас і Янка Купала. Старонкі выдання - гэта гісторыя беларускай літаратуры. На лістах "Полымя" чытачы ўпершыню пазнаёміліся з раманамі "Людзі на балоце" Івана Мележа, "Каласы пад сярпом тваім" Уладзіміра Караткевіча, "Сэрца на далоні" Івана Шамякіна. І гэта далёка не ўвесь спіс твораў, якія сталі класікай беларускай літаратуры. За час існавання ў тыраж выйшла больш за тысячу нумароў.