У якасці экспанатаў былі прадстаўленыя журналісцкія летапісы ваеннага часу - артыкулы, анкеты ваеннапалонных немцаў, плакаты і "пераможны" выпуск газеты "Камсамольская праўда" ад 10 мая 1945 года. Адным з ганаровых гасцей мерапрыемства была Вера Кур’ян - вязень канцлагера "Азарычы", якая стала знакамітай на ўвесь свет дзякуючы фатаграфіі, зробленай у дзень вызвалення.
Таксама падвялі вынікі і яшчэ адной акцыі - "Лісты вайны". Больш за 1300 людзей падзяліліся ваеннымі гісторыямі сваіх дзядуляў і бабуль, а некаторыя ўдзельнікі апісалі і ўласныя ўспаміны падзей той вайны.
