"Прыступкі майстэрства" Глебаўкі ў залах Нацыянальнага мастацкага музея Беларусі. Акулы культурнага профілю не проста прадстаўляюць выставачны праект да 75-годдзя альма-матар - народных Савіцкага, Данцыга, Грамыкі, Шчамялёва, Шаранговіча, але і дэманструюць сучасны мастацкі зрэз. На суд гледача - паўсотні арт-выказванняў на мове жывапісу, скульптуры і дэкаратыўна-прыкладнага мастацтва. Храналагічныя рамкі: сярэдзіна 60-х - 2021 год. Сёння ў фондавым зборы Нацыянальнага мастацкага і яго філіялаў больш як 33 тысячы твораў. З іх больш за дзясятую частку калекцыі - працы з ініцыяламі выпускнікоў Глебаўкі.
На новую прафесійную прыступку прама ў сценах культурнай скарбніцы Беларусі выпускнікі Мінскага каледжа імя Глебава паднімуцца ўжо 20 чэрвеня. У Нацыянальным мастацкім свае дыпломы атрымаюць тыя, хто сёння фарміруе візуальны вобраз краіны.
