"Берлін у фарбах". Выстава, прысвечаная стрыт-арту, адкрылася ў мастацкай галерэі "Універсітэт культуры". Аўтар - малады фатограф Ігар Калашнікаў - на працягу двух гадоў жыў у Берліне, імкнуўся зняць на фотаапарат энергетыку вуліц нямецкага горада. Вядома, што ўрбаністычнае мастацтва недаўгавечнае. Таму для аўтара было цікава захаваць размаляваныя сцены будынкаў.
Экспазіцыю "Берлін у фарбах", якая будзе працаваць да 16 снежня, складаюць 39 фотаработ.
