Сярод двухсот удзельнікаў прадстаўнікі 18-ці ВНУ трох краін. У журы наперадзе два конкурсныя дні. Новыя хіп-хоп-рухі з харэографамі вывучыла Вольга Маслоўская.
Яны будучыя інжынеры, эканамісты і ветэрынарныя ўрачы. Сучасная харэаграфія - гэта любімае хобі і вялізная прастора для фантазіі і творчасці. Пяты год запар студэнцкія танцавальныя калектывы прыязджаюць у Віцебск. "Зрабі крок наперад!" - фестываль-конкурс, а для многіх стартавая пляцоўка на вялікую сцэну. Вучыцца, так у лепшых - вырашылі арганізатары і ў якасці педагогаў запрасілі знакамітых харэографаў і пастаноўшчыкаў, для якіх віцебская сцэна стала знакавай. Урокі майстэрства праходзяць з аншлагам. Парады педагогаў плюс штодзённыя рэпетыцыі. Галоўны экзамен вечарам, на конкурсным выступленні. Лепшую танцавальную каманду вызначыць прафесійнае журы. Калі ўлічыць, што на сцэне будуць пастаноўкі як мінімум у сямі харэаграфічных стылях, то работу журы лёгкай не назавеш. Пераможца фестывалю будзе ўдастоены Гран-пры конкурсу і атрымае грашовы прыз.