Экспазіцыя размясцілася ў мастацкай галерэі Міхаіла Савіцкага. Асноўным лейтматывам творчасці аўтара сталі таемныя куткі душы і неардынарны погляд на рэчы ў рэжыме імгнення.
Іосіф Шагал, Надзвычайны і Паўнамоцны Пасол Ізраіля ў Беларусі: "Гэтая выстава спачатку праходзіла ў Гомелі, а потым узнікла ідэя зрабіць яе тут. Я вельмі рады, што такія выставы праходзяць. Ёсць некалькі вельмі сур'ёзных праектаў. Фатаграфія сёння здаецца настолькі лёгкадаступнай, што, здавалася б, якое тут мастацтва. Але насамрэч гэта вельмі складана праз аб'ектыў убачыць тое, што можа кагосьці здзівіць".
Не адзін дзясятак гадоў аўтар падарожнічаў па свеце ў пошуках яркіх вобразаў для сваіх фотаработ. Рэтраспектыва твораў паказвае стэнаграму яго жыцця. Азнаёміцца з "Пунктам погляду" фотамастака можна да 30 жніўня.
