У пачатку ліпеня паводле добрай традыцыі на беразе Дняпра Александрыя збірае сяброў. У Шклоўскім раёне сёння адкрыўся фестываль народнай творчасці - кірмашы, канцэрты, майстар-класы, ды і шмат чаго цікавага. Сюды з задавальненнем едуць не толькі самі беларусы, але і госці з іншых краін. Усяго за шэсць гадоў ліпеньскія гулянні сталі знакавай падзеяй для ўсёй краіны. Што і гаварыць, свята ў Александрыі сапраўды аб'ядноўвае тры народы - Беларусь, Расію і Украіну. Праграма фестывалю настолькі шырокая, што прэтэндуе на самую маштабную за ўсю гісторыю свята. Зрэшты, аб статусе гаворыць і нязменны ўдзел у мерапрыемствах Кіраўніка дзяржавы. Гэтымі хвілінамі свята набліжаецца да сваёй кульмінацыі - тут пачынаецца гала-канцэрт "Купальская казка".
Як Александрыя сустракае гасцей - убачыў Андрэй Ястрабаў. Нацыянальным каларытам на свяце ў Александрыі пранізана кожнае дзейства.
Яшчэ шматлікія гулянні, як калісьці даўней. Напрыклад, трэба апалонікам злавіць падушку. Правобраз вялікага тэніса. Аказваецца, такім майстэрствам валодалі беларусы яшчэ некалькі стагоддзяў таму.
Хіба што да гэтага спісу дадаць яшчэ і песні. У агульнай складанасці амаль тысяча выканаўцаў з'ехалася ў Александрыю з Украіны, Беларусі і Расіі. Народная песня тут гучыць са світання.
Кавальства, ткацтва, лозапляценне. Больш як 600 майстроў з трох краін працуюць на адкрытых пляцоўках у Александрыі. Сёлета колькасць месцаў для ўмельцаў прыйшлося павялічыць, каб змясціць усіх ахвочых. Затое колькасць прададзеных сувеніраў ужо вылічаецца тысячамі.
Тут і жыўнасць вясковая, і нават можна панаглядаць за тым, як нясуцца куры. Дзейства, якое не пакідае абыякавым асабліва малых. Для іх тут і дзіцячыя пляцоўкі, і атракцыёны.
Сапраўдны экскурс у гісторыю кнігадрукавання - яшчэ адна фішка сёлетняга свята. Упершыню працуе экспазіцыя "Друкаваны двор 16 стагоддзя". Тут узноўлены да драбнюткіх падрабязнасцяў увесь працэс вытворчасці паперы старажытным спосабам. А на друкаваным станку можна надрукаваць старонку з Бібліі Францыска Скарыны.
Тут жа, у павільёне, добра схаваным ад дажджу, узноўлена і вытворчасць афортаў, гравюр. Дзякуючы такому віду мастацтва да нас дайшлі сярэдневяковыя краявіды і нават выявы вялікіх людзей краіны.
Гандлёвыя рады, кірмашы, канцэртныя пляцоўкі будуць працаваць да позняй ночы. Моладзевыя дыскатэкі завершацца толькі досвіткам, каб раніцай зноў сабраць гасцей вялікага і такога роднага свята ў Александрыі.
