Ужо сёння вызначыцца парадак выступленняў фіналістаў нацыянальнага адбору на "Еўрабачанне". Іх імёны сталі вядомыя ўчора. Амаль паўсотні прэтэндэнтаў ужывую выканалі свае кампазіцыі, якія не павінны былі доўжыцца больш за 3 хвіліны. Тузін шчасліўчыкаў выбрала фокус-група - прафесіяналы ў музычнай сферы: кампазітары і выканаўцы, прадстаўнікі нашай краіны на папулярным конкурсе розных гадоў. Па выніку трохгадзіннага праслухоўвання ў наступны этап адбору прайшлі 9 салістак, 1 вакаліст, дуэт і трыа. Яны ўжо рыхтуюцца да галоўнага выпрабавання - прамога эфіру.
Жараб'ёўка фіналістаў пачнецца сёння апоўдні. Трансляцыю будуць весці тэлеканалы "Беларусь 1" і "Беларусь 24". Дату эфіру гала-канцэрта аб’явяць пазней.
Апоўдні ў Белтэлерадыёкампаніі адбудзецца жараб'ёўка фіналістаў нацыянальнага адбору на "Еўрабачанне"
28 января 2020