Сёння ў Нацыянальным мастацкім музеі адкрываецца выстава "З кніжнай скарбніцы".
У зале старажытнабеларускага мастацтва побач з сакральнымі прадметамі выставяць 9 старадрукаваных выданняў. Усе яны былі выдадзеныя на тэрыторыі нашых зямель.
Усяго ў зборы нацмузея парадку 200 старажытных фаліянтаў. Самы ранні - напрастольнае Евангелле 1600 года. Яно і стане цэнтральным экспанатам выставы.
Нацыянальны мастацкі музей працягне знаёміць гледача з кніжным зборам. Асобныя экзэмпляры пасля рэстаўрацыі з'явяцца ў музейнай экспазіцыі.
