Гэтымі дні ў Мінску праходзіць гарадскі адкрыты конкурс камерных ансамбляў "Струны Арфея". Удзел бяруць 150 музыкантаў - дуэты, трыа, квінтэты. Сёлета ўпершыню заяўкі на конкурс падалі не толькі вучні музычных школ, але і педагогі. Пераможцаў вызначыць прафесійнае журы.
Заўтра апошні дзень конкурсу. У Мінскім гарадскім каледжы імя Глінкі запланаваны канцэрт і ўзнагароджанне пераможцаў.
