Падрабязнасці ў нашага культурнага аглядальніка Ларысы Гулякевіч.
Тэатральны фестываль ці звычайныя гастролі - заўсёды падзея для тэатралаў і аматараў. Акрамя розных канцэптуальных падыходаў і мастацкіх густаў, тэатр - жывы від мастацтва, а не гатовая прадукцыя, як кіно, рэклама, відэафільмы. Дзеянне на сцэне адбываецца тут і зараз. Дзякуючы менавіта гэтым пачуццям жыве і прадаўжае прывабліваць столькі стагоддзяў яго вялікасць Тэатр.
4-ы Міжнародны форум ТЭАРТ робіць акцэнт на эксперыментах і мастацкім наватарстве. Люблянскі нацыянальны тэатр - адзін з яскравых прадстаўнікоў крэатыўнага падыходу у тэатральнай рэжысуры.
Сёлета ТЭАРТ запрасіў у Мінск тэатральныя калектывы з Даніі, Латвіі, Літвы, Расіі, Германіі, Польшчы. Славенскі нацыянальны тэатр драмы апошні раз быў у Беларусі больш за 20 гадоў таму у рамках Фестывалю славянскіх тэатраў у Мінску.
Ігар Сахабор, мастацкі кіраўнік Нацыянальнага славенскага тэатра (Любляна, Славенія): У нашага тэатра багатая гісторыя - 150 гадоў. Тады гэта быў не прафесійны тэатр і калектыў, а зараз мы першая сцэна ў Славеніі. Безумоўна, мы ставім розныя п'есы як класічныя, так і сучасныя, авангардныя.
П'есу Крэйзі лакаматыў польскага пісьменніка-раманіста і драматурга Станіслава Віткевіча, напісаную амаль 100 гадоў таму, славенскія артысты прадставілі ў стылі hard rock.
Міжнародны ТЭАРТ стартаваў напрыканцы верасня і працягне радаваць аматараў тэатральнага мастацтва да 22 кастрычніка.