У галерэі Савіцкага адкрываецца міжнародная выстава сучаснага мастацтва "Мінск - Парыж"

"Мінск - Парыж" - міжнародная выстава сучаснага мастацтва адкрываецца сёння ў Мастацкай галерэі Савіцкага. Каля 90 твораў жывапісу, графікі, скульптуры, арт-аб'ектаў ад французскіх і беларускіх мастакоў. Аб'ядноўвае прадстаўнікоў вернісажа ўдзел у адным з самых прэстыжных парыжскіх салонаў Art Capital.

Сярод беларускіх аўтараў такія мэтры, як Валерый Шкаруба, Віктар Альшэўскі, Уладзімір Толсцік і многія іншыя. Французскі бок прадставяць 25 аўтараў. Сярод іх - кіраўнікі салона "Параўнанне" і "Салона малюнка і акварэлі".